itemscope="itemscope" itemtype="http://schema.org/WebSite"> آئی فون کریڈٹ کارڈ کی جگہ لینے کو تیار ! - VNU Net Blogs
img
Home / Urdu Section / آئی فون کریڈٹ کارڈ کی جگہ لینے کو تیار !

آئی فون کریڈٹ کارڈ کی جگہ لینے کو تیار !

40 Views

آئی فون کو امارات کی نشانی سمجھا جاتا ہے لیکن اب اس مہنگے فون سے کسی بھی چیز کو خریدنے کے لیے آپ کو یکمشت ادائیگی کی ضرورت نہیں ہے۔

ٹیکنا لوجی جائنٹ ایپل نے گزشتہ روزریاست کیلی فورنیا میں شروع ہونے چار روزہ ’ایپل ورلڈ وائڈ ڈیولپرزکانفرنس‘ ( ڈبلیوڈبلیوڈی سی 2022) میں آئی فون کے لیے کچھ منفرد اور اہم فیچرزبھی متعارف کرادیے ہیں۔

ڈبلیوڈبلیوڈی سی 2022 میں شامل مندوبین کا کہنا ہے کہ سلیکون ویلی میں 10 جون تک جاری رہنے والی اس ٹیکنالوجی کانفرنس میں آئی فون کو ادائیگیوں کے لیے موثرطورپراستعمال کرنے کا منصوبہ بھی پیش کردیا گیا ہے۔

کمپنی کی جانب سے جاری ہونے والی پریس ریلیزکے مطابق ورلڈ وائڈ ڈیولپرزکانفرنس میں ایپل کے ’ بائے ناؤ؛ پے لیٹر‘ فیچرکومندوبین کی جانب سے بہت پسند کیا جا رہا ہے۔

ممکنہ طورپراس فیچرکو ایپل آپریٹنگ سسٹم ’آئی او ایس 16‘ میں متعارف کرایا جائے گا، اس فیچر کی بدولت استعمال کنندگان خریدی جانے والی کسی بھی شے کی ادائیگی دیڑھ ماہ کی 4 برابراقساط میں ادا کرسکیں گے۔ یہ فیچرآئی فون صارفین کے ایپل والٹ میں بلٹ ان ہوگا اوروہ اسے آن لائن اوربہ ذریعہ ایپ دونوں طریقوں سےاستعمال کرسکیں گے۔

ایپل کی جانب سے ایپل ورلڈ وائڈ ڈیولپرزکانفرنس 2022 میں زیادہ توجہ ادائیگیوں کے نظام پرہے، اور اسی تناظر میں ٹیکنالوجی جائنٹ نے ’ ٹیپ ٹوپلے ‘ کے نام سے رواں ماہ کے آخرمیں اس فیچرکومتعارف کرانے کا اعلان کیا ہے، جس کے تحت کسی بھی اسٹورپرایپل آئی فون کی مدد سے صرف ایک کلک سے کسی بھی چیز کی قیمت باآسانی ادا کی جاسکے گی۔

ایپل کی جانب اس فیچرکو’ ٹیپ ٹوپے‘ کے نام سے رواں ماہ کے آخرمیں تمام آئی فون صارفین کے لیے جاری کردیا جائے گا۔

  • Facebook
  • Twitter
  • Linkedin
  • Pinterest

Leave a Comment

Your email address will not be published.

This div height required for enabling the sticky sidebar
Ad Clicks : Ad Views : Ad Clicks : Ad Views :